Организуем Летнюю школу белорусского языка и культуры
ВЫВУЧАЕМ БЕЛАРУСКУЮ МОВУ Ў МІНСКІМ ДЗЯРЖАЎНЫМ ЛІНГВІСТЫЧНЫМ УНІВЕРСІТЭЦЕ
з 15.07.2019 г. па 27.07. 2019 г.
Летняя школа — гэта форма дадатковага навучання і ўключанасці ў навуку і культуры. Гэта стажыроўка, якая спалучае летні адпачынак з заняткамі.
Мы навучым вас гаварыць па-беларуску або ўдасканалім вашыя навыкі, а таксама дадзім асноўныя тэарэтычныя звесткі па беларускай мове і культуры.
Працягласць курсу – 2 тыдні.
ПРАГРАМА ЎКЛЮЧАЕ:
- інтэнсіўныя моўныя курсы для пачатковага і сярэдняга ўзроўняў;
- лекцыі па розных галінах лінгвістыкі, літаратуразнаўства, культуры і гісторыі Беларусі;
- эксклюзіўныя вандроўкі па Мінску і Беларусі, інтэрактыўныя імпрэзы, наведванне музеяў, знаёмства з ласункамі беларускай кухні;
- нефармальныя сяброўскія сустрэчы са студэнтамі – носьбітамі беларускай мовы.
КУЛЬТУРНАЯ ПРАГРАМА, інтэграваная ў практычны курс беларускай мовы, дазволіць лепш спазнаць Беларусь, яе культуру, гісторыю і жыхароў, а таксама правесці незабыўны час з новымі знаёмымі з іншых краін.
ТОЛЬКІ Ў НАС
- выкладанне беларускай мовы магчыма пры пасярэдніцтве замежнай;
- выкладчыкі стварылі ўласныя арыгінальныя методыкі па беларускай мове як замежнай;
- моўны практыкум у нязмушанай таварыскай абстаноўцы.
Правядзіце незабыўныя канікулы з беларускай мовай
у Мінску!
Заявы на ўдзел у школе дасылайце да 1 лiпеня 2019 года (бланк прыкладаецца).
КОШТ ДВУХТЫДНЁВАЙ ПРАГРАМЫ – 100 еўра.
Праезд, пражыванне, харчаванне, рэгістрацыйны збор, медыцынская страхоўка аплачваюцца дадаткова.
Кошт пражывання ў інтэрнаце – 20 долараў ЗША (пражыванне ў двух-трохмесным пакоі з суседзямі).
Рэгістрацыйны збор у міграцыйных службах – прыблізна 15 долараў ЗША.
Абавязковае медыцынскае страхаванне – страхавы поліс, які дзейнічае на тэрыторыі Беларусі, можна купіць у краіне пражывання да прыезду ў Беларусь альбо ў Беларусі (прыблізна 20 еўра).
Пасля заканчэння летняй школы выдаецца пасведчанне.
Парадак прыёму ў летнюю школу
Удзельніку летняй школы неабходна запоўніць бланк заявы, атрымаць афіцыйнае запрашэнне МДЛУ і набыць вучэбную візу на ўезд у Беларусь у Пасольстве / Консульстве Рэспублікі Беларусь (пры неабходнасці).
Для атрымання запрашэння неабходна выслаць у адсканаваным выглядзе на электронную пошту аддзела міжнародных сувязей (ipo@mslu.by) наступныя дакументы:
- запоўненую заяву;
- копію нацыянальнага пашпарта (прозвішча, імя, дата і месца нараджэння, нумар пашпарта, дата выдачы і тэрмін яго дзеяння);
- натарыяльна завераную копію перакладу нацыянальнага пашпарта на рускую (беларускую) мову (прозвішча, імя, дата і месца нараджэння, нумар пашпарта, дата выдачы і тэрмін яго дзеяння); заверыць копію пашпарта можна ў МДЛУ.
- На наступны дзень пасля прыбыцця ў Рэспубліку Беларусь удзельнікі летняй школы павінны прадставіць у МДЛУ:
- нацыянальны пашпарт для афармлення рэгістрацыі ў міграцыйнай службе г. Мінска;
- а таксама заключыць кантракт з МДЛУ і аплаціць яго. Аплату можна ажыццявіць з-за мяжы. Для гэтага па запыце мы паведамім Вам банкаўскія рэквізіты.
Кантактная інфармацыя
адрас: МДЛУ, вул. Захарава, 21, г. Мінск, Рэспубліка Беларусь, 220034.
тэл.: + 375-17-294-71-14 (кафедра беларускай мовы і літаратуры), +375-17-284-80-67 (аддзел міжнародных сувязей).
e-mail: ipo@mslu.by
www.mslu.by
ЗАЯВА
аб прыёме ў летнюю школу беларусазнаўства
Рэктару МДЛУ
Н.Я. Лапцевай
Прашу аформіць запрашэнне
Асабістая інфармацыя |
|
Прозвішча: |
Імя: |
Грамадзянства: |
Дата нараджэння: |
Нумар пашпарта: |
Дата выдачы: |
Тэрмін дзеяння: |
|
e-mail: |
Месца атрымання візы (горад):
|
Узровень валодання беларускай мовай: пачатковы/базавы |
|
Пражыванне (падкрэсліць): у інтэрнаце, у інтэрнаце няма патрэбы |
Імя і прозвішча подпіс
дата