Замежнікі пазнаёмілі беларускіх студэнтаў са сваімі роднымі мясцінамі, расказалі пра прыроду, славутасці, мясцовую кухню. Таксама першакурснікі з захапленнем праслухалі верш Янкі Купалы «Не глядзі» ў выкананні аднаго з кітайскіх студэнтаў, адзначылі добрае валоданне беларускай мовай і задалі шмат пытанняў пра вучобу і жыццё ў Беларусі.

Сустрэча прайшла ў фармаце міжкультурнага дыялогу, надзвычай карыснага і пазнавальнага для абодвух бакоў: беларускія і кітайскія студэнты вельмі зацікаўлены ў такім  інтэрактыве, які дазваляе бліжэй пазнаёміцца з традыцыямі, мовай і культурай партнёрскай краіны.