Інфармацыя для замежных студэнтaў

Інфармацыя для замежных студэнтaў


Страница не имеет перевода на текущий язык. Отображена русская версия.
The page has no translation into the current language. Displayed russian version.

МДЛУ – прызнаны лідэр у галіне моўнай адукацыі ў Рэспубліцы Беларусь!

Сёння МДЛУ забяспечвае прафесійнае навучанне 18 замежным мовам (англійская, нямецкая, французская, іспанская, італьянская, японская, кітайская, арабская, турэцкая, карэйская, шведская, польская, чэшская, нідэрландская, фарсі, іўрыт, руская, беларуская). У бліжэйшых планах МДЛУ – навучанне фінскай мове.

У вас ёсць самы шырокі выбар!

Вядзецца падрыхтоўка па 7 адукацыйных кірунках (пераклад, выкладанне, інфармацыйнае абслугоўванне, сувязі з грамадскасцю, знешнепалітычныя зносіны, знешнеэканамічныя сувязі, міжнародны турызм) і 18 спецыялізацыях, у тым ліку замежная літаратура, камп’ютарная лінгвістыка, замежнае краіназнаўства, мастацкі пераклад, тэхнічны пераклад, сінхронны пераклад, камунікатыўныя тэхналогіі ў бізнесе, камп’ютарная рэклама і інш.

МДЛУ ажыццяўляе падрыхтоўку магістраў, кандыдатаў і дактароў навук па ўсіх навуковых спецыяльнасцях. Упершыню ў МДЛУ адкрыта практыка-арыентаваная магістратура па 4 інавацыйных спецыяльнасцях (пераклад і перакладазнаўства, камунікатыўны менеджмент, інфармацыйна-аналітычная дзейнасць, інавацыі ў навучанні замежным мовам).

Універсітэт каардынуе навуковую і навукова-метадычную работу факультэтаў і аддзяленняў замежных моў 15 вышэйшых навучальных устаноў і 7 педагагічных каледжаў Рэспублікі Беларусь. У ім дзейнічае рэспубліканскае навукова-метадычнае аб’яднанне, распрацоўваюцца тыпавыя вучэбныя планы і праграмы, адукацыйныя стандарты па профілiВНУ для ўсіх звенняў сістэмы адукацыі.

МДЛУ актыўна ўдзельнічае ў распрацоўцы і рэалізацыі інавацыйнай палітыкі Рэспублікі Беларусь у галіне навучання замежным мовам. Глыбокая прафілізацыя дазваляе ВНУ цалкам забяспечваць сучасныя адукацыйныя патрабаванні моладзі ў галіне гуманітарнай, філалагічнай, лінгвістычнай і педагагічнай адукацыі па замежных мовах.

НашaВНУ – член Міжнароднай Асацыяцыі ўніверсітэтаў, якія ажыццяўляюць падрыхтоўку прафесійных перакладчыкаў (CIUTI), член Асацыяцыі ўніверсітэтаў, што падпісалі Мемарандум аб узаемаразуменні з Арганізацыяй Аб’яднаных Нацый.

МДЛУ – актыўны ўдзельнік Базавай арганізацыі па мовах і культуры дзяржаў–удзельнікаў СНД, пастаянны член Міжнароднай асацыяцыі выкладчыкаў рускай мовы і літаратуры (МАПРЯЛ), ініцыятар беспрэцэдэнтнага ў Рэспубліцы Беларусь навукова-адукацыйнага праекта Лінгвапарк, дзейнасць якога накіравана на выкарыстанне інтэлектуальнага патэнцыялу МДЛУ як галаўной лінгвістычнай ВНУ краіны для аператыўнага вырашэння складаных задач моўнай адукацыі і міжмоўнага пасярэдніцтва, у тым ліку ў сферы вытворчай, сацыяльнай і знешнеэканамічнай дзейнасці; ажыццяўленне высакаякаснага моўнага суправаджэння вырабленых тавараў і паслуг на запатрабаваных мовах, у тым ліку рэдкіх.

Ва ўніверсітэце працуе ўнікальны высокакваліфікаваны прафесарска-выкладчыцкі склад (781чал.), які мае найкаштоўнейшы вопыт вучэбна-выхаваўчай, метадычнай і прафесійнай працы.

Ва ўніверсітэце выкладаюць спецыялісты з ЗША, Германіі, Францыі, Іспаніі, Італіі, Японіі, Швецыі, Кітая, Карэі, Ірана, Турцыі, Расіі, іншых краін.

Інавацыйная навукова-адукацыйная дзейнасць, актыўная выхаваўчая праца, належныя бытавыя ўмовы павысілі прэстыж МДЛУ на міжнароднай адукацыйнай прасторы. Сведчаннем гэтаму – не толькі павелічэнне кантынгенту замежных студэнтаў, але і павялічаная ўвага да ўніверсітэта з боку дыпламатычнага корпуса многіх краін.

Укладанне ўласных сродкаў МДЛУ ў мадэрнізацыю яго матэрыяльна-тэхнічнай базы дазволіла перайсці на прынцыпова новы ўзровень падрыхтоўкі высокакваліфікаваных канкурэнтаздольных спецыялістаў. Сёння камп’ютарнае і праграмнае забеспячэнне ВНУ цалкам адпавядае ўсім сучасным патрабаванням. У адукацыйным працэсе задзейнічана больш за 1200 самых сучасных камп’ютараў, вучэбныя аўдыторыі і класы абсталяваны мультымедыйнымі комплексамі і інтэрактыўнымі дошкамі. Актыўна ўкараняюцца сістэмы аўтаматызаванага дакументаабароту і бібліятэчнага абслугоўвання, адкрыты інтэрнэт-цэнтры, цалкам абнавілася абсталяванне лабараторый і цэнтраў моў і культур.

 

МДЛУ – найбуйнейшы цэнтр навучання замежных студэнтаў! 680 замежных студэнтаў універсітэта з 67 краін называюць МДЛУ сваёй alma mater. Практычна ўсе выпускнікі, якія маюць дыплом МДЛУ, знаходзяць у сваіх краінах цікавую працу па спецыяльнасці. Аналіз водгукаў замежных выпускнікоў універсітэта сведчыць: усе яны працуюць у Міністэрстве замежных спраў сваіх краін, у дыпламатычным корпусе, на радыё і тэлебачанні, у тэлеграфных агенцтвах, выдавецтвах, розных фірмах, якія ажыццяўляюць супрацоўніцтва з рознымі краінамі, у турыстычных фірмах. Некаторыя выпускнікі, атрымаўшы ў МДЛУ другую педагагічную адукацыю ці скончыўшы аспірантуру, паспяхова выкладаюць замежныя мовы ва ўніверсітэтах, каледжах, школах. Некаторыя адкрылі прыватныя інстытуты замежных моў у сваіх краінах.

Большасць працадаўцаў выказваюць удзячнасць універсітэту за плённае супрацоўніцтва, адзначаюць высокі ўзровень прафесійнай падрыхтоўкі спецыялістаў, выдатнае валоданне замежнымі мовамі, наяўнасць умення працаваць у камандзе, талерантнасць, творчы падыход да вырашэння прафесійных задач, самастойнасць, актыўную жыццёвую пазіцыю, жаданне працягнуць адукацыю і імкненне да кар’ернага росту.

Шчыра запрашаем у наш універсітэт!

Замежныя студэнты ВНУ навучаюцца на кантрактнай аснове. Навучанне платнае. Кантракт гарантуе атрыманне адукацыйных паслуг, месцы ў камфартабельным нумары студэнцкага інтэрната. Студэнты пражываюць па 3 чалавекі ў нумары. Студэнцкія інтэрнаты нашага ўніверсітэта размешчаны ў гістарычным цэнтры г. Мінска – сталіцы Рэспублікі Беларусь. Тут вы зможаце не толькі вучыцца, але і бліжэй пазнаёміцца з тысячагадовай гісторыяй горада і культурай Беларусі. У Мінску шмат паркаў і сквераў, музеяў і галерэй, канцэртных залаў і тэатраў. Найбольш вядомы Нацыянальны акадэмічны Вялікі тэатр оперы і балета, які займае другое месца ў рэйтынгу на тэрыторыі былога СССР – пасля знакамітага Маскоўскага Вялікага тэатра. Недалёка ад Мінска знаходзіцца шэраг мемарыяльных і турыстычных комплексаў, якія можна наведаць нават за кароткі час. Турыстычныя маршруты дазволяць таксама пазнаёміцца з іншымі гарадамі Беларусі, з іх самабытнымі помнікамі гісторыі і архітэктуры. “Візітнай карткай” Віцебска, радзімы Марка Шагала, з’яўляецца яго дом-музей, Брэста – мемарыяльны комплекс “Брэсцкая крэпасць-герой”, Гомеля – палацава-паркавы ансамбль XVIII—ХІХ стст. і г.д. Мінск – адзін з самых чыстых і зялёных гарадоў Еўропы. Сёння ў сталіцы каля двух мільёнаў жыхароў. Развітая сістэма грамадскага транспарту, у тым ліку і метро, дазваляе дастаткова хутка дабрацца ў любую кропку горада. Чакаем вас у Мінску і спадзяемся, што ў нашым горадзе Вы будзеце адчуваць сябе ўтульна, як дома.

У самай бліжэйшай перспектыве – увядзенне ў эксплуатацыю новага будынка студэнцкага інтэрната МДЛУ ў комплексе “Студэнцкая вёска”.